De Waal-rylaan

Die De Waal-rylaan is ‘n snelweg wat die middestad van Kaapstad verbind met die voorstede in die rigting van Muizenberg.

Roete

Die pad begin by die oostelike punt van Roelandstraat en vorm dus die westelike deel van die M3-snelweg. Dan gaan dit langs die voet van Duiwelspiek en eindig na 3km net verby Hospitaaldraai by die Groote Schuur-hospitaal. Daarna gaan die M3-pad verder onder die name Rhodesrylaan, Unionweg, Blue Route en die Simon van der Stel-snelweg tot in Westlake. Ook om die uitsig oor die stad (en veral na sonsondergang) het dit ‘n gewilde roete by toeriste geword.

Geskiedenis

In 1911 is die eerste pad hier gebou oor ‘n terrein wat tot op daardie tydstip slegs vir bergklimmers toeganklik was. Net na die middel van die 20ste eeu is dit tot ‘n dubbelbaanpad herbou. Omdat dit sy troetelprojek was, dra die pad die naam van Nicolaas Frederic de Waal.

Lees ook

  • N2 (Suid-Afrika)

Bibliografie

  • Burman, Jose: Peninsula Profile – a Guide to the Fairest Cape. Johannesburg: Nelson, 1963